Fyrir konur- Hlaðvarp með Gurrý Torfa

Gurrý: Þrjú mjög hagnýt ráð til að gera lífið betra og einfaldara.

Í þessum þætti fer ég yfir þrjú hagnýt ráð eða leiðir sem hafa hjálpað mér mikið að líða betur og einfalda líf mitt. Þessi ráð koma frá mínum frábæru yogakennurum og yoganáminu mínu hjá Kristbjörgu Elí. 
1: Gera daglegt skipulag, hér erum við að skipuleggja svefn, matmálstima, hreyfinguna og það sem við þurfum að gera á hverjum degi. Skyldur okkar í vinnu og gagnvart fjölskyldu en líka fyrir okkur sjálfar.
2: Ekki taka hlutum eða orðum perónulega án þess að skoða á ég þetta eða er hugurinn minn að rugla í mér núna. Þurfti virkilega að læra þetta og fékk harða kennslu í gegnum td. Biggest Loser og fjölmiðlaumfjöllun í kringum það allt. Góður skóli Takk fyrir það :)
3: Þurfum ekki að hafa skoðanir á öllu eða hlusta á fólk með skoðanir á hlutum sem þau hafa ekki hundvit á. Þvílíkt frelsi að sleppa þessu bara.
 

Inga Kristjánsdóttir: Allt um prótein, hvað gera þau fyrir okkur, hvaða prótein eigum við að velja og hvað þurfum við mikið.

Inga Kristjánsdóttir næringarþerapisti er algjör snillingur í öllu varðandi mataræðið og það sem er best að útskýra á einfaldan og gagnlegan hátt fyrir okkur. 
Við ræðum um:
Prótein og hvað þau gera fyrir okkur konur.
Hvaða prótein eigum við að velja úr mat.
Inga útskýrir próteinduft, mismunandi tegundir og hvað ber að varast.
Hvað við þurfum mikið af próteinum á dag.
Gagnlegt fyrir allar konur sem vilja bæta eigin heilsu og vera meira upplýstar.

Særún Lúðvíksdóttir: Um Ölla, son hennar sem lést 18 ára gamall, sorgina sem fylgir því að missa barn og Minningarsjóð Ölla sem hún stofnaði.

Særún Lúðvíksdóttir er ein af mínum uppáhalds konum en hún æfði hjá mér í mörg ár og við kynntumst vel, en hún steig upp og hjálpaði mér á erfiðum tímum í rekstri líkamsræktarstöðvar sem ég rak Yama Heilsurækt og fyrir það verð ég henni alltaf þakklát. 
Særún segir okkur frá sjálfri sér sem ung einstæð móðir í Keflavík og Njarðvík með tvo syni, Örlyg Aron Sturluson og Elvar Sturluson. Örlygur var alltaf kallaður Ölli og var vel þekktur íþróttamaður fyrir hans einstöku hæfileika í körfubolta. 
Ölli var einungis 18 ára gamall þegar hann lést. Á þessum tíma var Særún með þriggja mánaða gamalt barn. Særún segir okkur frá því hvernig það er að missa barnið sitt og læra lifa með því en hún segir sjálf að það sé lífstíðardómur að missa barn og hún jafni sig aldrei en hafi lært að lifa með sorginni.
Árið 2013 stofnaði Særún Minningarsjóð Ölla: Minningarsjóður Ölla - Forsíða en sjóðurinn styrkir börn til íþróttaiðkunar sem eiga ekki kost á því vegna bágrar fjárhagsstöðu foreldra eða aðstandenda. Sjóðurinn heldur minningu Ölla á lofti með kærleika og stuðningi til þessara barna. 
 

Auður Harpa og Dagbjört Pálsdóttir: Um dating lífið og samskiptin við hitt kynið.

Fórum yfir spurningar frá hlustendum sem voru flestar um dating lífið og samskipti við hitt kynið. 

Dagbjört Pálsdóttir: Um lífið eftir skilnað.

Dæja vinkona mín er ein skemmtilegasta kona sem ég þekki. Í þessum þætti ræðum við um vináttuna sem styrktist svo mikið þegar við fórum á sama tíma í gegnum skilnað og hvernig við fórum í gegnum þetta og vandamálin sem við þurftum að takast á við. 
 

Inga næringaþerapisti um bætiefni fyrir heilsuna.

Ræddum um bætiefnin, hvað þarf að taka og er nauðsynlegt að taka inn bætiefni. 
Það sem við fórum yfir:
Þessi fimm frænku: Magnesíum, omega 3, gerla, D-vítamín og fjölvítamín.
Bætiefni fyrir streituna: B-vítamín, magnesíum og fleiri
Bætiefni fyrir líkamsræktina: Kreatín og Glutamine.
Bætiefni fyrir breytingaskeiðið.
 
 
 

Helga Björk Jónsdóttir: Um hugrekkið til að skipta um skoðun í lífinu.

Helga Björk er góð vinkona mín og við spjöllum um að það má skipta um skoðun hvað maður ætlar að verða þegar maður er orðin stór, og ræddum stórt skref sem hún tók þegar hún fór í meðferð á Vogi og eftirmeðferð á Vík.
 

Auður Harpa: Stefnumóta lífið og að finna mojo-ið sitt aftur

Auður Harpa og Gurrý ræða um stefnumóta lífið og hvernig það er að missa mojo-ið sitt og finna það aftur á miðjum aldri.

Inga Kristjánsdóttir næringarþerapisti um mataræði, hreyfingu og streitu.

Inga fræðir okkur á einfaldan hátt um mataræði, hvað við eigum að borða og hvenær en líka hvernig óregla í fæðu hefur áhrif á streitu, líkamsrækt ofl.
Fyrsti þátturinn okkar Ingu saman en alls ekki sá síðasti. 
 
 

Kynning á hlaðvarpinu Fyrir konur

Hér fer ég yfir af hverju ég er að byrja með þetta hlaðvarp, létt kynning og spjall.
Mátt endilega senda mér skilaboð ef þú veist um áhugaverðar konur sem væru til að deila með okkur sögum, fræðslu eða öðru sem gæti gagnast okkur öllum. Senda á gurrytorfa@gmail.com